Në pak minuta shi rrugët kryesore të kryeqyteti u pushtuan nga uji. Mëngjesi i sotëm ka shfaqur problemet e para, duke bllokuar rrugët kryesore. Në rrugën e Elbasanit, Don Bosko, Myslym Shyri, kalim është bërë i pamundur, duke detyruar edhe shumë biznese që të mos i hapin qepenat.
Edhe në zona të tjera, rrugët janë bllokuar, duke vështirësuar kalimin e makinave dhe kalimtarëve . Në disa video të siguruara nga “JOQ”, duket qartë se si reshjet e dendura të shiut kanë bllokuar rrugët.
Situata e sotme, u paralajmërua një ditën e parë nga Agjencia Kombëtare e Mbrojtjes Civile, e cila bëri thirrje për marrjen e masave nga autoritetet vendore.
Agjencia Kombëtare e Mbrojtjes Civile u bëri një zyrtare 5 prefekturave në vend për situatën do të shkaktohet nga moti i keq.
AKMC, agjencia në varësi të Ministrisë së Mbrojtjes, konkretisht u ka bërë shkresë prefekturave Shkodër, Lezhë, Fier, Vlorë, Gjirokastër. AKMC shpjegon se sipas IGJEUM, në veri perëndim dhe jug të vendit priten stuhi dhe reshje të mëdha shiu.
Zonat që rrezikojnë të preken më shumë Shkodra, Dibra, Malësia e Madhe dhe Kruja. Reshjet e shiut dhe stuhitë mund të bëhen shkak për përmbytje në disa prefektura në dy ditët në vijim.
AKMC apel prefekturave për masa të menjëhershme parandaluese dhe vënien në gatishmëri të strukturave operacionale.
