Personi që e sulmoj gazetarin Valon Syla është familjar i zyrtarit të PDK-së

Gazetari dhe publicisti kosovar, Valon Syla është sulmuar nga një person i panjohur sot në mes të ditës në Prishtinë. Sulmuesi është identifikuar nga Policia e Kosovës dhe është në kërkim të tij.

Bëhet fjalë për Bashkim Jupën nga Gjakova, me vendbanim në Zvicër. Bashkim Jupa është vëllau i zyrtarit të lartë të PDK-së, Bekim Jupës. Incidenti është dënuar nga politikanë e zyrtarë të lartë në vend.

Valon Syla njihet për qëndrimet e tij kritike ndaj diasporës shqiptare, gjë e cila dyshohet se ka nxitur gjakovarin për këtë sulm.