Pesë raste të dhunës në familje janë raportuar në Policinë e Kosovës gjatë 24-orëve të fundit në tërë vendin.
Policia ka bërë të ditur se rastet kanë ndodhur në Prishtinë, Ferizaj, Pejë, Gjakovë dhe Mitrovicë, shkruan Indeksonline.
Në të gjitha rastet, me vendim të prokurorit 4 të dyshuarit janë dërguar në mbajtje.
Njoftimet nga raporti i policisë:
“Prishtinë 05.02.2025-20:45. Është raportuar se i dyshuari mashkull kosovar e ka fyer dhe i ka shkaktuar dhunë psiqike ankueses femër kosovare. Lidhur me rastin është njoftuar prokurori, rasti në procedurë hetimore.
Ferizaj 04.02.2025-16:00. Lidhur me rastin, me 05.02.2025 është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje.
Pejë 05.02.2025-11:30. Është arrestuar i dyshuari mashkull kosovar pasi që i njëjti pas një mosmarrëveshje kishte sulmuar viktimën mashkull kosovar. Pas intervistimit, me vendim të prokurorit i dyshuari është dërguar në mbajtje.
Gjakovë 05.02.2025-17:30. Është arrestuar i dyshuari mashkull kosovar pasi që i njëjti ka kanosur viktimën femër kosovare. Pas intervistimit, me vendim të prokurorit , i dyshuari dërgohet në mbajtje.
Mitrovicë 05.02.2025-19:00. Është arrestuar i dyshuari mashkull kosovar pasi që i njëjti ka kanosur viktimën femër kosovare. Pas intervistimit, me vendim të prokurorit , i dyshuari dërgohet në mbajtje”.
