Policia para QKUK-së, ruan të dyshuarin për krimin e rëndë në Malishevë

Policia e Kosovës po qëndron në sigurim jashtë oborrit të QKUK-së, ku po trajtohet Astrit Isufi, i dyshuari për vrasjen e dy vëllezërve Naim dhe Driton Morina në fshatin Gollubovc të Malishevës.

Isufi u arrestua në orët e hershme të mëngjesit të sotëm, njofton Klankosova.tv.

Ai kishte pësuar plagë nga arma e zjarrit dhe fillimisht iu dha trajtim mjekësor në QKMF-në e Malishevës, përpara se të transferohej në QKUK për kujdes të mëtejshëm.