Ministri i Shëndetësisë, Arben Vitia, ka paralajmëruar masat e reja të vendosura nga autoritetet e vendit, në luftë me koronavirusit, me ç’rast personave fizikë u lejohet të dalin vetëm për një orë e gjysmë në ditë, në bazë të numrave të letërnjoftimit.
Vendimet e prezantuara në konferencë për media do të hyjnë në fuqi nga data 15 prill dhe do të zgjasin deri më 4 maj.
Ndër të tjera thuhet se secili person që del jashtë është i obliguar të ketë maskë.
Këto janë disa nga masat e vendosura nga Ministria e Shëndetësisë:
Secili person që del jashtë është i obliguar të vendosë maskën.
Ndalohet qarkullimi i personave fizikë nga shtëpitë e tyre, përveç rasteve me furnizim me mallra të domosdoshme dhe atë 1 orë e gjysë në ditë.
Gjatë qarkullimit të personave fizikë nuk lejohet të shoqërohen nga të tjerët, vetëm në rastet e personave me aftësi të kufizuar.
Ndalohet dalja e personave mbi moshën 65 vjeçare.
Ndalohet qarkullimi i personave fizikë, vetëm në rast se kanë nevojë për trajtim mjekësor.
Ndalohet qarkullimi i personave fizikë, vetëm në rast se ndonjë është viktimë e dhunës fizike.
Ndalohet takimi mes personave, vizitat familjare, shoqërore e të tjera.
