Prokuroria ka intervistuar, Urim Hysenin, të dyshuarin e arrestuar për vrasjen e nënës së tij në Pejë.
“Ajo që ndodhi sot është procedurë standarde në secilin rast, pra prokuroria kërkoj masën e paraburgimit, unë kundërshtova duke arsyetuar se klienti im duhet të shkojë në ekzaminim urgjent psikiatrik”, ka thënë Mekaj, derisa ka konfirmuar se janë në pritje të vendimit nga Gjykata.
Ngjarja e rëndë ka ndodhur pasditen e djeshme në Pejë, në rrugën ‘Mbreti Zog’, të lagjes ‘Kaeshnica’. E ndjera është mbytur në shtëpinë e saj.
Derisa 59 vjeçarja nga Peja, Hyrije Broqi Hyseni, pritet të varroset sot rreth orës 17:00.
Ceremonia mortore do të zhvillohet në varrezat e qytetit në Pejë, ka njoftuar familja, e cila sot ha hapur dyert e mortit.
Lajmin për Gazetën Insajderi e ka konfirmuar Asden Mekaj avokati mbrojtës i të dyshuarit.
