Punëtori 63-vjeçar vdes rrugës për në spitalin e Gjakovës, Policia hap rast

Një 63-vjeçar ka vdekur ndërsa po transportohej për në spitalin e Gjakovës.

Zëdhënësi i Policisë për rajonin e Gjakovës, Sheremet Elezaj tha se ai nuk ndihej mirë derisa ishte në vendin e punës, ndërsa vdekja u konstatua në spital.

“Një mashkull i lindur në vitin 1962 është dërguar pa shenja jete në Spitalin e Përgjithshëm në Gjakovë, ku është konstatuar vdekja e tij. Nga hetimet e para dyshohet se viktimës i është përkeqësuar gjendja shëndetësore në vendin e punës (ku ishte duke punuar si roje sigurie), në rrugën ‘Wesley Clark’, rreth orës 08:45”, thotë zëdhënësi.

Rasti është iniciuar si “hetim i vdekjes”, ndërsa trupi i pajetë është dërguar për ekzaminim mjekoligjor.