Duke filluar nga shtatori nxënësit në shtetin e Maqedonisë së Veriut nuk do të kenë tekste të gjuhëve të huaja.
Kjo është bërë e ditur nga Ministrja e Arsimit, Vesna Janevska.
Sipas ministres së Arsimit, kjo nuk do të jetë problem, sepse fëmijët i mësojnë gjuhët nga serialet dhe çështja është të kuptojnë dhe të flasin, jo të mësojnë gramatikën e gjuhës së huaj.
“Gjuha është e gjallë, e dini, fëmijët fillojnë ta mësojnë edhe nga serialet. Çështja është që ata të kuptojnë dhe të flasin, jo të mësojnë gramatikë e gjuhës tjetër, emra, përemra e kështu me radhë, mendoj se kjo nuk do të jetë problem”, tha Janevska.
Ministrja njoftoi gjithashtu se pushim pranverorë nuk do të ketë, pasi Ministria e Arsimit dhe Shkencës në korrik u dërgoi një pyetësor mësuesve, prindërve dhe nxënësve për të dhënë mendimin e tyre personal për organizimin e pushimeve pranverore në vitin shkollor 2024-2025, për shkak të pikëpamjet e ndryshme për pushimet pranverore në vitin e kaluar shkollor, ndërsa përgjigjet e prindërve dhe nxënësve më të rritur treguan se ata nuk duan pushim pranveror dhe këtë vit nuk do të ketë.
