“Qeveria s’po na lë me punu”, Rama akuzon Kurtin se e ka bllokuar “Ishullin urban”

Kryetari i Prishtinës, Përparim Rama, ka deklaruar se qeveria po bllokon punimet në “Ishullin urban” pa asnjë arsye.

Përpara medieve, Rama tha se po bllokohen 30 mijë banorë të kryeqytetit, për të kaluar nga Arbëria në qendër.

“Kujt po i pengojnë këto punime? Qeveria po vazhdon, për çështje puro politike, me blloku kryeqytetin. Derisa, në të njëjtën kohë iu jep leje sektorit privat. Çfarë hipkorita, çfarë hipokrizie! Ne kemi kriju projekte, kemi ndarë buxhetin, kemi fillu punimet, po vazhdojmë punimet me intensitet, e ata vijnë e bllokojmë kryeqytetin më mënyrë të jashtëligjshme” tha Rama.

Ai paralajmëroi që komuna do të dorëzojë në prokurori kallëzim penal, pikërisht për këtë gjë.