fbpx

QKUK hap edhe dy klinika të tjera për pacientet me Covid-19 si dhe shton shtretërit në Mjekësinë Sportive

nga Revista Kosovarja

QKUK’ja ka nisur që të vëjë në dispozicion edhe klinika të tjera për t’i shtrirë pacientët e prekur me Covid-19. 

Tashmë përveç Dermatologjisë, Pulmologjisë e Mjekësisë Sportive, do të hapen edhe Neurologjia e Psikiatria. Të dy këto klinika do t’i kenë në dispozicion nga 70 shtretër.

Nga numri i madh i rasteve me Covid-19 në Mjekësinë Sportive do të dërgohen plus 50 shtretër të tjerë. E gjendja në QKUK po konsiderohet alarmante nga shifrat e fundit të të prekurve me Covid-19.

“Neurologjia dhe Psikiatria do të hapen. Këto të dyja kanë në dispozicion nga 70 shtretër që i bie në total 140 shtretër. Mjekësia sportive pritet që t’i zgjerojë kapacitetet edhe me 50 shtretër të tjerë”, ka thënë Basri Sejdiu, drejtor i Shërbimit Klinik dhe Spitalor të Kosovës./GazetaExpress/

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: “Ali Hadri”-nr.16 Prishtinë, Kosovë
REDAKSIA: +38344143448; Email: [email protected]