Romancë në horizont? Don Xhoni dhe Loredana ngjallin dyshime

Një foto e nxjerrë nga Loredana teksa shijon pushimet ka bërë që vëmendja të drejtohet sërish me të madhe drejt saj.

Kjo, jo për foton në vetëvete por komentin që e ka pasuar atë.

Ka qenë hiç më pak se reperi Don Xhon ai i cili i ka lënë një zemër në koment Loredanës.

Kjo e fundit i ka kthyer me emoj-in e kurorës së mbretit, duke ndezur hamendësimet për raportin e tyre.

Në fakt, prej javësh përfliten si dyshe në kryeqytet. Zërat që kanë ardhur edhe në redaksinë e Prive kanë folur për një afërsi mes tyre, përtej komenteve në rrjete sociale.

A bëhet fjalë për miqësi, bashkëpunim për ndonjë projekt apo diçka më shumë? Është herët ta themi, megjithatë ku ka tym ka dhe zjarr!