Rrihen mes vete katër persona në Fushë Kosovë

Policia e Kosovës ka njoftuar se gjatë të hënës në orët e vona të mbrëmjes, në rrugën “Dardania”, në Fushë Kosovë, katër persona janë përfshirë në përleshje, dhe se dyshohet se gjatë rrahjes kanë përdorur edhe mjete të mbrehta.

Tutje policia bën të ditur se dy nga të dyshuarit kanë pranuar tretman mjekësor në QKUK.

Me vendim të prokurorit të dyshuarit pas intervistimit janë liruar në procedurë të rregullt.