Kryeministri i Republikës së Kosovës Albin Kurti, në një konferencë për media, ka bërë të ditur se nga viti i ardhshëm do të bëjnë rritje të pagave, por kësaj radhe jo duke e rritur koeficinetin, por duke e rritur atë për një njësi për të gjithë sektorët.
Sipas vendimit të Qeverisë të gjithë punëtorët e sektorit publik do të marrin paga më të larta prej 50 euro nga janari dhe 110 nga korriku.
E pasi që në këtë rritje janë përfshirë dhe infermierët ka reaguar ministri i shëndetësisë Arben Vitia, i cili ka thënë se viti 2025 do t’i gjejë infermierët me rritje page prej 110 euro.
“Viti 2025 do t’i gjejë infermierët dhe infermieret në sistemin publik shëndetësor me rritjen e koeficientit për 1 njësi, apo rritje page prej 110 eurosh. Qeveria për të gjithë. Qeveria për shëndetësinë”, ka shkruar Vitia në Facebook.
Ndryshe, të gjithë punëtorët e sektorit publik do të marrin paga më të larta prej 50 euro nga janari dhe 110 nga korriku. Infermierët nga 605 euro do t’i marrë 715 euro.
