Qendresa Ismaili është një nga nail-artistet e dëshmuara në vend, me numër të madh klientësh të kënaqura që vizitojnë studion e saj “Sassy Studio”.
“Sassy Studiu” është studio profesionale për mbjelljen, rregullimin, dizajnimin profesional të thonjve me metodat më të avancuara dhe produktet absolutisht më të mira.
Qendresa tregon se pasi përfundoj studimet në “UP” për “Psikologji”, vendosi të aftësohej dhe çertifikohej në Akademinë “IBC” si profesioniste për thonjtë dhe kështu të kalonte kohë duke bërë diçka që i pëlqente vërtet. Shton se fillimet i kishte në “Bombshellstudio” dhe në “INA-beauty”, asaj kohe si praktinate për një kohë të shkurtër.
Tregon se motra e saj gjithashtu është nail-artiste dhe bashkëpronare e “Jadore studio”, aty ku edhe filloi punën përfundimisht si nail artiste në qershor të vitit të kaluar.
Qendresa Ismailit, puna ju shndërrua në pasion, andaj shumë shpejtë, me 8 mars të këtij viti hapi studion e saj “Sassy Studio” që gjendet prapa Teatrit në rrugën Shaban Polluzha në Prishtinë.
Artistja e thonjëve, thotë se asnjëherë nuk është vonë ta gjeni vetën e të bëni atë punë e cila ju bën të ndjeheni mirë. “Jo domosdoshmërisht duhet ta kaloni jetën duke punuar punën e cila nuk ju bënë të lumtur. Para së gjithash mendoni për mirëqenien tuaj”.
