Një sëmundje misterioze e trurit ka prekur dhjetëra njerëz në New Brunswick të Kanadasë, dhe mjekët nuk janë të sigurt pse.
Që nga viti 2015, të paktën 43 njerëz kanë zhvilluar sëmundjen dhe pesë kanë vdekur, sipas zyrtarëve kanadezë të shëndetit publik.
Simptomat përfshijnë halucinacione, atrofi të muskujve, spazma dhe kërcëllimë dhëmbësh.
“Ne nuk e dimë se çfarë e shkakton atë”, tha për Guardian, Dr. Alier Marrero, një neurolog që drejton një studim të çrregullimit.
“Në këtë kohë kemi vetëm më shumë pacientë që shfaqen se kanë këtë sindromë”.
Autoritetet shëndetësore kanadeze kanë ndjekur “grumbullin” e 43 rasteve për më shumë se një vit, por publiku e mësoi atë vetëm në fillim të këtij muaji, kur Radio Canada dhe CBC publikuan një memo të rrjedhur nga departamenti i shëndetit publik të New Brunswick.
