Këngëtari i mirënjohur i muzikës popullore shqiptare, Shaqir Cërvadiku, vazhdon të mbetet një figurë e dashur për publikun, edhe pas dekadash të tëra në skenë.
Me një karrierë të gjatë e të pasur me këngë që janë shndërruar në hite ndër vite, artisti ka treguar së fundmi një anë më të ndjeshme të tij në intervistat dhe paraqitjet publike.
Në bisedat e fundit me mediat, Cërvadiku ka folur hapur për dhimbjen që i ka shkaktuar humbja e bashkëshortes së tij, e cila u nda nga jeta para disa vitesh.
Pavarësisht kësaj dhimbjeje personale, Shaqiri po vazhdon të jetë aktiv në skenë dhe në jetën publike, duke marrë pjesë në koncerte, emisione televizive dhe takime me publikun e tij besnik. Në paraqitjet e tij të fundit, ai ka rënë në sy edhe për stilin e tij të veçantë, duke kombinuar kravata elegante me kompletesh të kuruara me kujdes, një detaj që është komentuar pozitivisht nga publiku dhe dashamirët e tij, shkruan “Kosovarja”.
