Pak më parë, gjatë rrugës për në një samit të NATO-s në Holandë, Trump postoi një mesazh që mori nga sekretari i përgjithshëm i aleancës, Mark Rutte.
Sipas mediave të huaja, NATO ka konfirmuar se mesazhi është i vërtetë, por nuk ka thënë nëse Rutte kishte për qëllim që ai të tërhiqte një audiencë në mbarë botën.
Në mesazhin e tij të mbushur plot lajka për Presidentin e SHBA, Rutte i shkruan Trump se veprimi i tij në Iran ishte vendimtar dhe i jashtëzakonshëm, një veprim që askush tjetër sipas tij, nuk guxoi ta bënte.
“I dashur Donald,” shkruan ai, “veprimi juaj vendimtar në Iran… ishte vërtet i jashtëzakonshëm dhe diçka që askush tjetër nuk guxoi ta bënte.”
Shefi i NATO-s ‘lajka’ Trump-it: Vendimi juaj ishte vendimtar
“Po fluturoni drejt një tjetër suksesi të madh në Hagë”, vazhdon Rutte, duke iu referuar pritjes që anëtarët e NATO-s do të bien dakord të arrijnë brenda një dekade, një objektiv për të shpenzuar 5% të PBB-së së tyre për mbrojtje dhe siguri.
“Do të arrini diçka që asnjë president amerikan nuk mund ta bënte për dekada të tëra”, shton ai, shkruan A2 CNN.
Kujtojmë se mesnatën e djeshme u arrit një armëpushim mes Izraelit dhe Iranit, pas rreth 12 ditësh luftime.
