Shpërndahen 22 mijë plisa për ndeshjen kundër Çekisë

Shqipëria do të luajë mbrëmjen e nesërmë kundër Republikës Çeke, duke nisur nga ora 20:45.

Stadiumi do të jetë i stërmbushur, teksa janë shitur të gjitha biletat që ishin në dispozicion.

Tifozët këtë herë do të kenë një dhuratë të veçantë në ulëset e “Air Albania”-s.

Në çdo ulëse do të gjendet një plis, duke krijuar kështu një dekor më tërheqës në shkallët e stadiumit.

“DigitAlb”-i ka siguruar që në “Air Albania” të gjenden plot 22 mijë qeleshe, në mënyrë që koreografia e tifozerisë në përballjen e rëndësishme kundër Çekisë të jetë sa më e kuruar.