Kim Kardashian bëri kërkesë për divorc nga burri i saj prej shtatë vjetësh, Kanye West, të premten dhe është në proces të zgjidhjes së marrëveshjes së tyre të pronës.
40-vjeçarja dhe burri i saj i larguar kanë grumbulluar pasuri ekstreme dhe thuhet se kanë vlerë më shumë se 2 miliardë dollarë në asete të kombinuara.
Një burim gjithashtu konfirmoi për DailyMail të premten se Kim ka bërë kërkesë për divorc. “Ndarja është miqësore dhe nuk ka asnjë dramë”, tregoi burimi.
Dhe DailyMail hodhi një vështrim në fatin e pabesueshëm që Kim mund të luftonte, me Kanyen, 43 vjeç, me një vlerë marramendëse prej 1.3 miliard dollarësh dhe Kim, 40 vjeçe, e cila ka pasuri në vlerë 900 milionë dollarë.
Çifti sipërmarrës, të cilët kanë katër fëmijë, kanë grumbulluar mbi 100 milionë dollarë në pasuri të patundshme, një koleksion veturash prej 3.9 milionë dollarësh dhe zotërojnë bagëti me vlerë më shumë se 300 mijë dollarë të cilat ata i strehojnë në fermat e tyre në Wyoming.
Kanye kishte reaguar ashpër kur “Forbes” e la jashtë listës së tyre vjetore të miliarderëve, duke u thënë atyre: “Ju jeni duke luajtur me mua dhe unë nuk jam duke u përulur dhe nuk do ta bëj më në emër të Jezusit”. Ai pretendon që blera e tij e pasurive të jetë mbi tri miliardë dollarë.
Pasuria e çiftit buron nga karriera muzikore e suksesshme globale e Kanyet, linja e tij e veshjeve ‘Yeezy’ dhe fitimet e Kimit nga rrugëtimi i saj 14 vjeçar në serialin “Keeping Up With The Kardashians”.
Ajo mund të fitojë rreth një milion dollarë për një postim në Instagram, plus që ka ndërmarrje të ndryshme të biznesit, duke përfshirë kompaninë e saj të kozmetikës “KKW Beauty” dhe linjën e veshjeve të të brendshmëve “SKIMS”.
Tani që Kim ka kërkuar divorcin, cilat asete do të ndajnë?
