Agjencia për Mbrojtjen e Mjedisit të Sllovenisë (ARSO) ka lëshuar një paralajmërim për një stuhi të fortë që pritet të godasë të gjithë territorin e vendit sonte.
Sipas meteorologut në detyrë, Brane Gregorčič, një valë paqëndrueshmërie do të kalojë mbi Slloveni gjatë natës, duke sjellë me vete kushte të rënda atmosferike. “Stuhitë do të shoqërohen me reshje intensive shiu, erëra të forta dhe breshër,” ka paralajmëruar ai.
Temperaturat gjatë ditës së sotme arritën mes 32 dhe 37 gradë Celsius, ndërsa sipas parashikimeve, ndryshimi i papritur i motit mund të shkaktojë erëra që tejkalojnë shpejtësinë prej 100 km/h, raporton portali Neurje.
Autoritetet meteorologjike u bëjnë thirrje qytetarëve që të jenë të kujdesshëm dhe të shmangin qëndrimin jashtë gjatë kalimit të stuhisë.
