156
Gjashtë tanke Leopard 2A4 janë nisur nga Spanja për në Ukrainë, sipas një faqe interneti të monitorimit detar.
Tanket e prodhimit gjerman dhe transportuesit e personelit të blinduar u futën në një anije mallrash, thanë dëshmitarët e Reuters të premten, transmeton Telegrafi.
Nuk dihet se kur do të mbërrijnë.
Ministrja e mbrojtjes e Spanjës Margarita Robles tha në fillim të këtij muaji se Spanja do të dërgojë 10 tanke Leopard 2A4 (katër janë duke u riparuar).
Spanja ka trajnuar gjithashtu 40 ekuipazh tankesh dhe 15 mekanikë.
Ukraina është mbështetur në tanket e epokës sovjetike dhe i ka bërë thirrje Perëndimit për tanke moderne beteje për ta ndihmuar atë të luftojë rusët.
