Policia e Kosovës ka njoftuar se gjatë ditës së sotme një patrullë e saj është sulmuar nga një makinë e cila nuk është ndalur, por ka goditur veturën zyrtare të policisë së Kosovës gjatë një pikë kontrolli në veri, raporton Gazeta Blic.
E gjithë ngjarja siaps policisë ka ndodhur në fshatin Bistricë të Leposaviqit.
Me këtë rast policia ka thënë se ka qenë e detyruar të gjuajnë me armë zjarri në drejtim të makinës në fjalë.Komunikata e plotë:
Sot, më 23 janar në Bistricë të Leposaviqit, një njësi policore ka qenë e caktuar me detyrë zyrtare në pikë kontrolli, me qëllim të ruajtjes së rendit dhe sigurisë publike si dhe parandalimit të krimit e kontrabandës.
Njësia policore e cila ka qenë në pikë kontrolli, gjatë realizimit të detyrave policore ka tentuar ta ndalojë veturën në fjalë, e cila gjatë lëvizjes ka goditur automjetin e Policisë së Kosovës duke rrezikuar drejtpërdrejt edhe jetën zyrtarëve policorë, të cilët për të neutralizuar rrezikun ndaj tyre kanë shtënë me armë zjarri.
Personat e dyshuar, së bashku me mjetin e tyre janë larguar nga vendi i ngjarjes, përderisa hetimet lidhur me rastin janë duke u kryer, në bashkëpunim dhe koordinim me organet e drejtësisë.
Lidhur me rastin, Policia e Kosovës ka njoftuar edhe Inspektoratin Policor të Kosovës për procedura të mëtejme.
https://www.facebook.com/photo.php?fbid=473547134985550&set=a.213313687675564&type=3
