Komandanti i Forcave Tokësore, Hysen Dreshaj, ka pritur në vizitë delegacionin e Forcave të Armatosura të Republikës së Shqipërisë të kryesuar nga komandanti i Forcave Tokësore, gjeneralmajor Ilir Xhebexhia.
Në një komunikatë për media, bëhet e ditur se gjeneral Dreshaj njoftoi homologun e tij me të arriturat dhe sfidat e KFT-së, ngritjen e kapaciteteve luftarake, gjithashtu diskutuan për mundësitë e bashkëpunimit në mes të dy forcave me fokus trajnimet dhe stërvitjet e përbashkëta.
“Gjeneralët shprehën gatishmërinë e tyre për një bashkëpunim në fusha të interesit të përbashkët, në ngritjen e kapaciteteve dhe kontributin e tyre në të mirë të të dyja vendeve dhe interesit të përgjithshëm në të mirë të paqes në rajon dhe më gjerë”, thuhet në njoftim.
