Trashëgimi në pjatë: Flija shqiptare në proces zyrtarizimi

Kryeministri shqiptar, Edi Rama, ka njoftuar regjistrimin e flisë si produkt STG (Specialitet Tradicional i Garantuar), një hap i rëndësishëm për ruajtjen dhe promovimin e trashëgimisë kulinare shqiptare.

Regjistrimi siguron mbrojtjen e recetës autentike të FLI-së, si një nga pasuritë më të çmuara të traditës gastronomike shqiptare.

”Regjistrimi i FLI-së si produkt STG (Specialitet Tradicional i Garantuar) shënon hapin e parë drejt regjistrimit të FLI-së si pjesë e trashëgimisë sonë kulinare, duke ruajtur recetën autentike shqiptare”, thuhet në njoftim.