Presidenti i SHBA-së, Donald Trump, e ka quajtur udhëheqësin e pakicës në Senat, Chuck Schumer, një “udhëheqës palestinez”.
Trump i bëri këto komente gjatë një vizite në Memphis të Tennessee, ku mori pjesë në një diskutim në tryezë të rrumbullakët me Sekretarin e Mbrojtjes Pete Hegseth dhe Prokuroren e Përgjithshme Pam Bondi rreth punës së Task Forcës së Sigurisë.
“Është zhvatje nga demokratët”, nisi fjalimin ai.
“Demokratët po e vënë vendin tonë në rrezik të madh në këtë periudhë, në një periudhë që ata e quajnë luftë. Ata e quajnë luftë, ne e quajmë operacion ushtarak”, shtoi Trump.
“Udhëheqësit e tyre në këtë pikë, siç e dini, janë si të doni ta quani, në një botë më vete”, vazhdoi presidenti amerikan.
“Schumer është zhdukur. Dua të them, ai është palestinez. Ai duhet të luftojë në anën e Palestinës”, deklaroi Trump.
“Ai në fakt është bërë një udhëheqës palestinez. Nuk e di. Nuk kam parë kurrë një njeri të ndryshojë kaq shumë. Ai dikur ishte pro Izraelit, tani është pro Palestinës. Nuk kam parë kurrë diçka të tillë”, përfundoi ai.
