Mali është banori i radhës që u eliminua nga gara për çmimin e madh të “Big Brother VIP 5”, por dalja e tij nga shtëpia më e famshme e Shqipërisë nuk kaloi pa prekur ndjekësit.
Përmes llogarisë së tij zyrtare në Instagram, Mali falënderoi publikun për mbështetjen gjatë 103 ditëve të qëndrimit në spektakël, duke e cilësuar këtë përvojë si një nga më të rëndësishmet e jetës së tij:
“Kam hyrë në këtë eksperiencë si vetja ime dhe kam dalë po ashtu, me kokën lart dhe me shumë mirënjohje. Fitorja ime jeni ju dhe dashuria që më keni dhuruar.”
Në një mesazh tjetër të shpërndarë online, theksohet:
“Mali fitoi Big Brotherin e tij, falë karakterit të fortë, dinjitetit dhe njerëzillëkut që tregoi në çdo moment. Ai fitoi zemrat e publikut me dashurinë dhe respektin që përcolli. Një fitore e merituar nga një njeri i vërtetë!”
