Buci Hajdari është njëri nga dy minatorët që ishte në gjendje më të rëndë nga shpërthimi i acidit sulfurik në minierën e Trepçës. Ai ka falënderuar të gjithë ata që i dolën në ndihmë pas lëndimit në vendin e punës.
Përmes një postimi në Facebook, Hajdari ka përmendur kolegët minatorë të cilët shpenzuan edhe të holla për shërim.
“Falënderojmë të gjithë kolegët e minierës së Stantërgut në Mitrovicë të cilët na dolën në ndihmë duke mos u kursyer në asnjë moment, me rastin e lëndimit tonë si pasojë e shpërthimit të acidit sulfurik në vendin e punës”.
“Ju jemi mirënjohës edhe për shumën modeste financiare të dhënë nga kolegët për shpenzimet e shërimit. Falënderim dhe mirënjohje të pa fund për të gjithë ata që na ofruan ndihmën e tyre, paçin shëndet dhe lumturi ne familjet e tyre!”, ka shkruar Hajdari.
https://www.facebook.com/buci.hajdari/posts/7759254397437359?ref=embed_post
