Një person sot rreth orës 14:00 dyshohet se është vetëvarur në një hotel në Gjakovë.
Lajmin për Gazetën Sinjali, e kanë bërë të ditur nga Policia e Kosovës, të cilët kanë treguar se personi ishte regjistruar mbrëmë në këtë hotel.
“Sot me datë 04.03.2022, rreth orës 14:00, Stacioni policor – Gjakovë është njoftuar për një person të varur në terasën e hotel “Luxus” -Gjakovë. Patrulla policor ka shkuar në atë lokacion dhe ka takuar punëtorin në hotelin “Luxus” dhe i njëjti ka informuar se këtë person e ka pranuar mbrëmë rreth mesnatës, kurse sot ka vërejtur këtë person të varur në terasën e hotelit”, kanë treguar nga Policia e Kosovës.
“Në vendngjarje po ashtu ka dalë emergjenca dhe mjeku kujdestar, ku ka bërë konstatimin e vdekjes së personit të moshës 1995. Në lidhje me rastin është informuar edhe prokurori kujdestar i cili ka dalë në vendin e ngjarjes. Pas procedimit të vendit të ngjarjes trupi i viktimës është ekzaminuar dhe tërhequr nga ekipi i mjekësisë ligjore ku me urdhër të prokurorit viktima është dërguar në IML për autopsi”, deklaruan nga Policia.
Po ashtu, nga Policia kanë treguar se viktima është shqiptar nga Kosova me shtetësi amerikane.
