Vjollca Pepaj është nga ato femra që e kanë projektuar me kohë të ardhmen e tyre, andaj jeta ju buzëqesh. Me prejardhje nga rrethi i Istogut, Vjollca jeton në Böblingen të Gjermanisë bashkë me burrin dhe tre fëmijët.
Sa i përket jetës profesionale, ajo punon prej 10 vitesh në Spitalin e Böblingen ne repartin e Kirurgjisë si motër medicinale.
Vjollca Pepaj e ka pasion gatimin, në kuzhinë i duket sikur gjen qetësi e ç’lodhje nga puna dhe angazhimi i ditës. Që nga ditëlindja e vajzes së saj para 14 vitesh, ajo ka nisur të përgatis torte të shijshme, kreative dhe unike.
Vjollca tregon se qysh moti ka marrë komplimente nga familjarët dhe shoqëria për tortat që përgatiste dhe kështu nisen kërkesat që të bënte torta me porosi.
Prej katër vitesh merret intenzivisht me gatim në pergjithsi dhe tashmë të përgatiturit e ushqimeve e recetave speciale po bëhet profesion për të. Vjollca e prezanton punën e saj në Instagram në faqen motivtorten_bei_vjola, aty ku edhe pranon thuajse të gjitha porositë nga klientet.
Të kujtojmë që tortet që porositen tek motivtorten_bei_vjola janë speciale, individuale dhe nuk mund të porositen në pastiçeri. Vjollca kujton se më e veçanta që e ka bërë deri më tani është një tortë me motiv lisi, e porositur nga një kopsht qerdheje, për çka ajo ka marrë shumë komplimente. Edhe ato me motiv futbolli i pëlqehen shumë.
Vjollca thotë se do të përpiqet që edhe më tej të japë shumë për hobin e saj, ti përkushtohet dhe të sjell në faqen e saj në Instagram recetat më të veçanta, më të mira e të shëndetshme.
Sa i përket planeve, thotë se është duke punuar në një projekt me rëndësi, të cilin shpreson ta realizoj këtë vit, por për të cilin nuk ka dëshirë të flas publikisht tani për tani.
Porosia e saj shkon për djemtë dhe burrat shqiptar, që të angazhohen më shumë rreth kuzhinës dhe të gatuarit, pasi kjo largon stresin.
