Rihapet dosja e hakmarrjes ndaj familjes Gjini në Mirditë! Pasditen e sotme është qëlluar për vdekje, djali i hallës së Tonin dhe Preng Gjinit, Anton Keli. Ngjarja ka ndodhur pasditen e sotme në fshatin Malaj të Rrëshenit, vetëm pak metra larg banesës së Kelit.
Ky i fundit ishte brenda mjetit të tij, të cilin e përdorte si taksi, në momentin kur autorët i janë afruar dhe kanë hapur zjarr ndaj tij. 51-vjeçari i ka mbijetuar plumbave të marrë dhe është nisur me urgjencë për në spital, por rrugës ka ndërruar jetë. Plumbat e marrë i kishin prekur organet duke e bërë që të pamundur shpëtimin e tij.
Pas marrjes së sinjalizimit për vrasjen e ndodhur, Policia e Rrëshenit dhe Forcat e Ndërhyrjes së Shpejtë kanë mbërritur me urgjencë në vendngjarje dhe kanë nisur menjëherë punën për krehjen e zonës për të kapur autorët e vrasjes.
Deri në këto momente të pakta janë informacionet për viktimën dhe të shkuarën e tij, por paraprakisht dyshohet se ekzekutimi i tij ka lidhje me historinë e hakmarrjes së familjes Gjini. Megjithatë nuk përjashtohet mundësia as për një konflikt të çastit mes viktimës dhe autorëve.
Por si ka nisur kalvari i hakmarrjes në Mirditë?
Gjithçka ka nisur në vitin 2016, para katër vitesh, vit kur u ekzekutua ish-drejtori i OSHEE-së Sajmir Jaku. Më pas në hakmarrje të Jakut dyshohet se është kryer edhe atentati i Gasper Reçit. Në 2017 vjen ekzekutimi i Kreshnik Gjinit, shqiptarit që punonte si kamarier në Belgjikë dhe njihej edhe si Niko K.. Vrasja e Gjinit dyshohet të jetë bërë si hakmarrje për atë të Gasperit. Pas vrasjes së Tonin (Armando) Gjinit, u qëllua për vdekjeme snajper edhe Kastrioti Reçi. Ndërsa në shtator të këtij viti iu vendos tritol poshtë makinës edhe Preng Gjinit, por ku i fundit ia doli të shpëtonte. Sot është shënuar viktima e rashës, kushëriri i dy vëllezërve Gjini.
Personi që po shihni në foton e mëposhtme është Anton Keli, viktima e atentatit të zhvilluar pasditen e sotme në Rrëshen të Mirditës.
