Këngëtarja Xhensila Myrtezaj dhe aktori i humorit, Bes Kallaku, i kanë kthyer rrjetet e tyre sociale në “ditar”, ku tregojnë çdo ditë ç’ndodh në karantinën e tyre.
Sigurisht, kryefjala e shtëpisë së çiftit është vajza e tyre, Ajka, e cila rritet dita-ditës.
Megjithëse nuk preferojnë ta ndajnë shpesh me publikun portretin e të voglës, nuk mungojnë videot e shumta ku Ajka është protagonistja e çdo ngjarjeje.
Ditën e sotme, Xhensila dhe Besi kanë vendosur të mbjellin lule në kopshtin e shtëpisë dhe sigurisht në këtë punë është përfshirë edhe Ajka.
E vogla ka “ndihmuar” prindërit duke luajtur me lulet dhe dheun, ndërsa Xhensila ka filmuar të bijën dhe pamjet i ka ndarë në InstaStory.
“Bravo mami, bravo! Ua çfarë vajze punëtore ka mami!”- shprehet këngëtarja teksa filmon Ajkën, e cila duket shumë e fokusuar në punën e saj.
Karantina e Xhensilës dhe Besit duket se po shkon më së miri dhe humori nuk mungon asnjëherë.
Të shumta janë videot e Besit plot humor dhe rrengje nëpër shtëpi, të cilat janë bërë virale në rrjet.
Sigurisht, “preja” e tij për rrengjet është Xhensila.
Më poshtë ndiqni një video epike të çiftit:
https://www.instagram.com/p/B–SsgaAbaW/?utm_source=ig_embed
