Zëdhënësi i PDK-së: Mjaftuan një grusht të rinjsh serbë që të zbrapsin Albinin dhe Vjosën nga vizita turistike në veri

nga Revista Kosovarja 30 Janar, 2021

shkruar nga Revista Kosovarja 30 Janar, 2021

Partia Demokratike e Kosovës, ka reaguar ashpër ndaj Albin Kurtit dhe Vjosa Osmanit që ishin për vizitë sot në veri dhe të njëjtit u kthyen prapa pasi një grup serbësh i detyruan ata që ta ndërprejnë vizitën në këtë pjesë.

Avni Bytyci, zëdhënësi i PDK-së, përmes një statusi ka thënë se sot në veriun e Kosovës, Albin Kurti u takua me politikën e vërtetë.

“Një politikan që shtiret ujk me shqiptarët e dele me Serbinë nuk na duhet”, ka shkruar Bytyçi.

Ai, gjithashtu ka thënë se mjaftuan një grusht të rinjsh serbë që të zbrapsin Kurtin dhe Vjosa Osmanin nga vizita e tyre turistike në veri.

“Sot në veriun e Kosovës Albin Kurti u takua me real politikën. Një politikan që shtiret ujk me shqiptarët, e dele me Serbinë nuk na duhet. Mjaftuan një
grusht të rinjsh që të zbrapsin Kurtin dhe Vjosen nga vizita e tyre turisitike në Veri. Një përkujtim për të gjithë se poezitë e fjalët e madh nuk kryejn punë kur nuk ke zemër e guxim. Frikacak!”, ka shkruar Bytyçi.

https://www.facebook.com/avni.bytyci.1694/posts/268523731279671

Avni Bytyçi