10
Presidenti ukrainas, Volodymyr Zelensky është shprehur për ABC News se janë gati për një armëpushim.
Ai e ka përsëritur vazhdimisht këtë gjë, duke theksuar se është i përgatitur për një ndalim të luftimeve dhe duke thënë se Moska është pengesa për t’i dhënë fund luftës.
Megjithatë, ai e paralajmëroi median amerikane se vetëm “presioni i fortë” i udhëhequr nga Uashingtoni do ta sillte Vladimir Putinin në tryezë për të diskutuar një armëpushim.
“Jam i bindur se presidenti i Shteteve të Bashkuara ka të gjitha fuqitë dhe ndikimin e mjaftueshëm për të ndërmarrë hapa”, ka thënë Zelensky.
