Zëvendëspresidenti turk: 81 të plagosur nga shpërthimi në Stamboll, dy në gjendje kritike

Zëvendëspresidenti i Turqisë, Fuat Oktay, ka thënë se gjashtë persona mbetën të vrarë nga shpërthimi në Stamboll, katër prej tyre në vendngjarje dhe 81 të tjerë u plagosën, dy prej tyre janë në gjendje kritike.

Oktay tha se incidenti konsiderohet si një “akt terrorist”, duke shtuar se sulmuesja femër shpërtheu bombën që shkaktoi shpërthimin.

“U konstatua se një femër sulmuese shpërtheu bombën. Ngjarja po hetohet dhe po bëhen vlerësimet e nevojshme. Deri më tani kemi humbur 6 persona, 4 prej tyre në pikën e sulmit. Kemi 81 të plagosur. Hetimet në vendngjarje vijojnë me shpejtësi. Do të arrijmë në fund shumë shpejt. Kushdo që qëndron pas do të mbajë përgjegjësi”, tha Oktai.