Dy prindër, njëri nga Gjakova e tjetri nga Obiliqi kanë raportuar në polici se vajzate tyre të mitura kanë dalë nga shtëpia dhe nuk janë kthyer më.
Në raportin e Policisë thuhet se më 22.03.2022 në orën 00:30 një person ka raportuar se vajza e tij e mitur, viktima femër kosovare ka dalë nga shtëpia dhe nuk dihet vendndodhja e saj.
“Në konsultim me prokurorin është iniciuar rasti dhe vazhdon të hetohet nga njësiti përkatës policor”, thuhet në njoftim, transmeton Telegrafi.
Ndërsa më 21.03.2022 një prind tjetër nga Obiliqi ka raportuar se vajza e tij e mitur, ka dalë nga shtëpia dhe nuk dihet vendndodhja e saj.
Edhe për këtë rast në konsultim me prokurorin është iniciuar rasti dhe vazhdon të hetohet nga njësiti përkatës policor.
