Zjarri në objektin e ish-Hotel Unionit në Prishtinë, ndërhyjnë zjarrfikësit

Një zjarr është parë te ish-objekti i Hotel Unionit në Sheshin “Ibrahim Rugova” në Prishtinë.

Në vendin e ngjarjes kanë arritur edhe ekipet e zjarrfikësve me ç’rast kanë arritur që ta lokalizojnë zjarrin.

KALLXO.com ka sjellur pamje nga vendi i ngjarjes, ku shihet se tymi del nga kati nëndheshëm i ndërtesës.

Në bazë të informatave jo-zyrtare që KALLXO.com ka siguruar, dyshohet se bëhet fjalë për telashe me energjinë elektrike e siguresa.

Lidhur me këtë, KALLXO.com ka kontaktuar Policinë e Kosovës dhe është në pritje të një përgjigje zyrtare nga ana e tyre.