46
Kryeministri i Kosovës, Albin Kurti, ka reaguar për ngjarjen tragjike që ka ndodhur në Beograd, ku një adoleshent 14-vjeçar vrau në shkollë 8 nxënës dhe rojën e sigurisë, si dhe ka plagosur disa të tjerë.
Për këtë, kryeministri Kurti ka shprehur ngushëllime.
”Dëshiroj të shpreh ngushëllimet e mia më të thella për viktimat e të shtënave në shkollë në Beograd dhe për familjet e tyre. Gjithashtu u uroj shërim sa më të shpejtë të lënduarve në këtë ngjarje tragjike“, ka shkruar Kurti në Twitter, të enjten.
Për këtë rast tragjik ka shprehur ngushëllime edhe presidentja e Kosovës, Vjosa Osmani.
