Thjesht dy “njerëz normalë”.
Angelina Jolie është fotografuar së fundmi me aktorin Paul Mescal, 26 vjeç, duke pirë kafe në Londër.
Aktorja, e cila aktualisht është beqare pas ndarjes së saj nga ish-bashkëshorti Brad Pitt, u pa duke biseduar me aktorin irlandez, më i njohur për rolin e tij si Connell në “Normal People”.
Yjeve iu bashkua edhe vajza 16-vjeçare e Jolie, Shiloh, e cila gjithashtu dukej se ishte e angazhuar në bisedë. Takimi erdhi pasi nënë-bijë panë Mescalin të performonte si Stanley në “A Streetcar Named Desire”.
Takimi vjen vetëm disa ditë pasi ylli i “Lost Daughter” e gjeti veten në qendër të mediave rreth ndarjes me të fejuarën e tij, Phoebe Bridgers.
Fansat dyshojnë se Mescal dhe këngëtarja e “Motion Sickness”, janë ndarë pas dy vitesh së bashku; megjithatë, asnjëri nuk i ka komentuar këto zëra.
Pyetja tani është se çfarë po ndodh mes tij dhe Jolie…
