Parlamenti i Ugandës ka miratuar një ligj të ri ku personat LGBTQI+ mund të përballen me dënimin me vdekje.
Vetëm dy nga 389 ligjvënës votuan dje (21 mars) kundër projektligjit të diskutueshëm kundër homoseksualitetit.
Propozimi i legjislacionit parashikon që homoseksualët të dënohen me vdekje nëse kapen në një akt seksual.
Projektligji kriminalizon gjithashtu ata që rekrutojnë, promovojnë dhe financojnë ‘aktivitete’ të të njëjtit seks, të cilat ligjvënësit thonë se bien ndesh me pikëpamjet dhe besimet e kombit fetar të Afrikës Lindore.
“Një person që kryen veprën penale të homoseksualitetit të rënduar dhe është i detyruar, në bazë të dënimit të vuajë vdekjen”, thuhet në projektligj, sipas The Guardian.
Musa Ecweru, deputet për Distriktin Amuria, iu drejtua ligjvënësve, duke thënë se homoseksualët nuk do të kenë ‘asnjë hapësirë në Ugandë’.
Vetëm dy deputetë nga partia në pushtet, Fox Odoi-Oywelowo dhe Paul Kwizera Bucyana, e hodhën poshtë projektligjin.
Sipas Odoi-Oywelowo, projektligji do të synojë ata që tashmë janë subjekt i dhunës dhe diskriminimit.
Përveç dënimit me vdekje për akte seksuale, njerëzit që thjesht identifikohen si LGBTQ+ mund të përballen me dënime me burg deri në 10 vjet.
