Dafina Zeqiri shfaqet unike në fotosesionin e ri

Këngëtarja e njohur, Dafina Zeqiri po shijon suksesin e këngëve të reja që solli të përmbledhura në një album me titullin “Dafinë moj”.

Së fundmi ajo ka realizuar një set të ri të fotove nga fotografi i njohur, Kevin Halili, ndërsa i postoi edhe në llogarinë e saj në Instagram.

Dafina shihet e veshur me shumë stil në një fustan elegant me ngjyrë të bardhë i cili kishte një prerje tek pjesa e barkut.

Krijuesja e hitit “Llafe llafe” kompletoi dukjen me taka të kuqe, ndërsa shihet me makijazh të theksuar në fytyrë.

Fotot morën mijëra pëlqime dhe shumë komente nga ana e fansave dhe miqve të këngëtares, që e komplimentonin për paraqitjen.