Dëshironi të përmirësoni shëndetin tuaj? Konsumoni këtë frut në darkë

Nëse po kërkoni frutin perfekt për t’u konsumuar në mbrëmje, kivi është zgjedhja ideale. Studimet e fundit tregojnë se ky frut, i pasur me vitamina dhe antioksidantë, jo vetëm që përmirëson tretjen, por gjithashtu ndihmon në cilësinë e gjumit.

Kivi përmban serotonin dhe antioksidantë, që ndikojnë pozitivisht në ciklin e gjumit, duke ndihmuar në relaksim dhe rregullimin e orës biologjike.

Po ashtu, është i pasur me vitamina C dhe E, që mbështesin sistemin imunitar dhe përmirësojnë shëndetin e lëkurës.

Përveç kivit, disa alternativa të tjera të shëndetshme për në mbrëmje janë banania, e cila ndihmon në relaksimin e muskujve falë magnezit, dhe qershitë, që përmbajnë melatonin natyral për një gjumë më të qetë.