Me mot më të ngrohtë paraqitet dita e enjte. Intervale me diell paradite, e gjatë ditës edhe vransira kalimtare, por pa mundësi për të reshura.
Era do të fryjë nga jugperëndimi e lehtë dhe mesatare 4-9m/s. Në mëngjes ftohtë, me temperatura minimale prej -1C e 2C, e ditën maksimalet arrinë në 15C e 17C.
Në ditët e para të prillit, në fundjavë, parashihet ndryshim i situatës sinoptike, me zhvillime të rrebesheve të shiut me bubullima orëve të pasdites të ditës së shtunë, si dhe ditën e diel.
Fillimi i javës së ardhshme sërish sjell përkeqësim të motit me rënie të temperaturave, me të reshura shiu kohëpaskohe ditën e hënë, e lokalisht edhe mjaft intenzive. Deri në mbrëmje, nëse temperaturat pësojnë rënie të theksuar, shiu mund të shndërrohet në reshje bore.
Indeksi i cilësisë së ajrit do të jetë kryesisht në vlera të pranueshme dhe të mira, e vetëm orëve të mbrëmjes mund të ketë rritje të koncentrimeve të ndotësve ajror, që çojnë indeksin shkurtimisht në vlera të dobëta, njofton Prishtina Weather.