Digjet një shtëpi në Obiliq, brenda ishin edhe banorët

Një shtëpi është djegur në Obiliq rreth orës 22:00 , saktësisht në rrugën “Albert Rama”, të martën.

IndeksOnline mëson se në shtëpi gjindeshin edhe banorët por që policia u ka dalë në ndihmë dhe kanë shpëtuar pa asnjë lëndim.

Po ashtu, mësohet se tanimë në vendin e ngjarjes janë Brigada e Zjarrëfikësve, një ekip i KEDS dhe Ndihma e Shpejtë nga Q.K.M.F-Obiliq.

Ndërsa, në vendin e ngjarjes ka arritur edhe Policia e Kosovës, të cilët po merren me rastin.