143
Restoranti “Guri i Zi” në fshatin Volljakë të Klinës është përfshirë nga zjarri mbrëmë pak para mesnatës. Për fat të mirë dëme në njerëz nuk ka patur, përveç dëmeve materiale.
Lajmi për djegen e “Gurit të Zi” është konfirmuar edhe nga Policia e Kosovës.
“Më datë, 16.01.2022, rreth orës 23:20, Policia është informuar se në fshatin Volljakë-Klinë, një lokal është përfshirë nga flakët. Njësitet Policore menjëherë kanë dalë në vendngjarje, gjithashtu edhe zjarrfikësit të cilët kanë arritur ta lokalizojnë zjarrin, sipas zjarrfikësve, nga zjarri janë shkaktuar dëme materiale të konsiderueshme”, ka thënë Driton Rugova.
