Djali i miliarderit grek ngacmon Eleni Foureiran në skenë, askush nuk ndërhyn ta ndihmojë

Këngëtarja e njohur me origjinë shqiptare, Eleni Foureira është përballur me një incident aspak të këndshëm.

Teksa ka qenë duke përformuar në një prej koncerteve të saj, një djalë, i cili ka qenë i pranishëm në koncert, është ngjitur në skenë dhe ka ngacmuar artisten.

Sipas mediave greke, bëhet me dije se personi në fjalë është djali i miliarderit të njohur grek, Marinakis.

Ajo që është komentuar më së shumti në media, ka të bëjë me faktin se askush nga të pranishmit nuk ka ndërhyrë për të ndihmuar këngëtaren. Gjithashtu rojet e sigurisë nuk janë parë në videon që është bërë menjëherë virale në mediat online.