Është e vërtetë që këtë vit të flasësh për provën e rrobave të banjës duket çuditshëm, duke pasur parasysh kufizimet dhe paqartësinë nëse do të rrimë në shtëpi, apo se si do të shkojmë në plazh.
Por gjithsesi shumica e njerëzve kanë qëndruar në karantinë në këtë periudhë dhe domosdoshmërisht kanë shtuar në peshë.
Ndaj për të humbur disa kilogramë në këtë periudhë karantine, vijnë në ndihmë makaronat e ftohta, të cilat shumë pak i preferojnë.
Mund të duket në kundërshtim me atë që kemi dëgjuar për makaronat, por kur janë të ftohta ose ringrohura, përmbajnë shumë më pak kalori nga sa kur i hamë të ngrohta.
Pse? Sepse tek makaronat e ftohta ndryshon struktura e amidonit, e cila bëhet rezistente ndaj enzimave që ndërhyjnë në procesin tretës.
Ndër të tjera makaronat e ftohta rezultojnë më të pasura me fibra dhe reduktojnë nivelin e sheqerit në gjak, i cili është përgjegjës për shtimin e peshës
