Mbrëmë vonë, Richard Grenell dha dorëheqje prej pozitës që kishte në Departamentin Amerikan të Shtetit.
Këtë e bëri të ditur ai vetë nëpërmjet rrjeteve sociale.
“Sot unë zyrtarisht dhashë dorëheqje nga Departamenti i Shtetit. Presidenti Trump ma prezantoi një dhuratë lamtumire – ulësen time të kabinetit. Sekretarët në detyrë të Kabinetit nuk marrin karrige, por presidenti Trump dëshiroi që unë ta kisha timen sepse, siç tha ai, “ti je sekretari i parë në Kabinet që është i deklaruar haptazi homoseksual dhe kjo është një gjë e madhe”, ka shkruar Grenell.
Por ai nuk dha dorëheqje edhe prej pozitës që tashmë i është dhënë për Kosovën.
Grenell vazhdon ta mbajë postin e të dërguarit special për dialogun Kosovë-Serbi.
Këtë e ka konfirmuar për Express Dick Custin, zëdhënësi i Grenellit.
Në një përgjigje për Gazetën Express dhe T7 Custin ka thënë se shefi i tij do të vazhdojë të jetë i dërguar special për Kosovë-Serbi.
