Nuk është çudi që në të njëjtën ditë të festojnë Ditën e Pavarësisë disa shtete dhe rastësia ka bërë që sot më 28 Nëntor të festojnë ditën më të rëndësishme këto vende:
1821 – Pavarësia e Panamasë
Panamaja është shteti më jugor i Amerikës së Mesme. Vendi përfshin rripin tokësor i cili lidh Amerikën Veriore me Amerikën Jugore. Panamaja kufizohet në perendim me Kosta Rikën, dhe me Kolumbinë në lindje. Në anën jugore ka dalje në oqeanin Paqësor, ndërsa në veri ka dalje në detin e Karibeve.
Panamaja ka pozitë shumë të përshtatshme gjeografike. Pozitën e përshtatshme gjeografike ia mundëson kanali i Panamasë.
1912 – Pavarësia e Shqipërisë
Shqipëria (gegërisht: Shqipnia gjithashtu Shqypnia, historikisht: Arbri ose Arbëria, ndërkombëtarisht: Albania), zyrtarisht Republika e Shqipërisë, është shtet i pavarur në Evropën Juglindore. Shtrihet në pjesën jugperëndimore të Gadishullit Ballkanik dhe kufizohet në veriperëndim me Malin e Zi, në verilindje me Kosovën, në perëndim me Maqedoninë e Veriut dhe në jug me Greqinë. Në perëndim laget me detet Adriatik dhe Jon dhe ndodhet vetëm 78 km larg Italisë përgjatë ngushtesës (kanalit) së Otrantos, 72 km i gjerë. Shqipëria ka një sipërfaqe prej 28,748 km² dhe rreth 2,9 milion banorë.
Trashëgimtare e qytetërimit të lashtë ilir, Shqipëria ka shënuar një përparim të dukshëm ekonomik, shoqëror e kulturor pas shekujsh prapambetje nën Perandorinë Osmane dhe në regjime diktatoriale gjatë shek. XX. Pas rënies së rendit komunist më 1991, Shqipëria ka përjetuar një periudhë kalimtare të vështirë drejt demokracisë së lirë dhe ekonomisë së tregut. Prej vitit 2009, Shqipëria është anëtare e NATO-s dhe aplikante për kandidate për anëtarësim në Bashkimin Evropian.
1960 – Pavarësia e Mauritanisë
Mauritania, emri zyrtar Republika Islamike e Mauritanisë, ndodhet në pjesën veri-perëndimore të Afrikës dhe në pjesën perëndimore të vendit gjendet një dalje në Oqeanin Atlantik. Pjesa tokësore e Mauritanisë kufizohet në veri-perëndim me Marokun (pjesën e shkretëtirës perëndimore të Marokut), në veri-lindje me Algjerinë, në lindje e deri në jug me Malin, dhe në jug-perëndim me Senegalin.
1975 – Pavarësia e Timorit Lindor
Timori Lindor (tetum Repúblika Demokrátika Timór Loro Sa’e, port. República Democrática de Timor-Leste) është shtet ishullor në Azinë juglindore.
