Këngëtari dhe aktori, Lee Ji Han, është konfirmuar se ka vdekur në moshën 24 vjeçare në një festë të Halloweenit.
Të paktën 151 persona thuhet se janë lënduar në incidentin e së shtunës mbrëma teksa ishin mbledhur për të festuar.
U përfol se kjo filloi kur një turmë e madhe të rinjsh – kryesisht të moshës adoleshente dhe të 20-ave – u shfaqën në një rrugë të ngushtë të Seulit për të ‘parë një personazh të famshëm vendas’.
Agjencitë për Ji Han, i cili ishte më i njohur si konkurrent në sezonin e dytë të “Produce 101”, thanë se ai ishte kapur në rrëmujë dhe kishte vdekur.
Në një deklaratë nga Soompi, agjencia 935 Entertainment tha: “Është e vërtetë që Lee Ji Han ndërroi jetë për shkak të aksidentit në Itaewon më 29 tetor”.
“Ne gjithashtu shpresonim se nuk ishte e vërtetë dhe ishim shumë të tronditur kur dëgjuam lajmin. Familja janë në pikëllim të jashtëzakonshëm për momentin, ndaj ne jemi shumë të kujdesshëm”.
Ji Han u bë i famshëm në vitin 2017 duke luajtur në sezonin e dytë të “Produce 101”, i cili pa 101 garues që konkurruan për një vend në formacionin e një grupi K-pop prej 11 anëtarësh.
Në vitin 2019, artisti bëri debutimin e tij në aktrim duke luajtur në serialet e njohura dramatike koreane si: “Today Was Another Nam Hyun Day”.
Sipas zyrtarëve, të paktën 19 të huaj humbën jetën në këtë rrëmujë.
Ata thanë se rrugët ishin aq të mbushura me njerëz dhe automjete që lëviznin ngadalë, saqë ishte praktikisht e pamundur që punonjësit e urgjencës dhe ambulancat të arrinin në rrugicën pranë.