Shëndeti i zemrës është jetik për mirëqenien e përgjithshme, dhe ajo që hamë ndikon drejtpërdrejt në funksionimin e saj. Mjekët dhe nutricionistët paralajmërojnë se disa ushqime mund të përkeqësojnë gjendjen e zemrës, sidomos te ata që tashmë vuajnë nga probleme kardiovaskulare.
Ja cilat janë disa prej ushqimeve që duhet t’i shmangni patjetër nëse keni probleme me zemrën:
Ushqimet e përpunuara dhe të konservuara
Salamrat, salsiçet, proshutat dhe ushqimet në kuti apo kavanoza përmbajnë sasi të larta kripe dhe konservantësh që rrisin tensionin e gjakut.
Yndyrnat e ngopura dhe trans
Gatimet e skuqura, margarina dhe produktet industriale si ëmbëlsirat e gatshme mund të rrisin kolesterolin “e keq” dhe të dëmtojnë arteriet.
Sheqernat e tepërta
Pijet e gazuara, ëmbëlsirat artificiale dhe konsumimi i tepërt i sheqerit ndikojnë në shtimin në peshë, diabet dhe për pasojë, në probleme me zemrën.
Ushqimet me shumë natrium (kripë)
Kripa e tepërt rrit presionin e gjakut dhe shton rrezikun për sulme në zemër apo goditje në tru.
Mishi i kuq i tepërt
Konsumi i shpeshtë i mishit të kuq të yndyrshëm mund të çojë në rritje të kolesterolit dhe sforcim të zemrës.
Mjekët këshillojnë që ata që kanë histori me sëmundje zemre të përfshijnë në dietën e tyre më shumë fruta, perime, drithëra të plota, peshk dhe vaj ulliri. Ndryshimet e vogla në ushqim mund të sjellin përmirësime të mëdha në jetëgjatësinë dhe cilësinë e jetës.
